பாதுகாப்பு தொடர்பான சிக்கல்கள் குறித்து ஸ்ரீலங்கன் ஏர்லைன்ஸைத் தொடர்புகொள்ளுதல்

• srilankan.com தளத்தில் உள்ள உங்கள் வாடிக்கையாளர் கணக்கு (அல்லது FlySmiLes ID) ஃபிஷிங் காரணமாகப் பாதுகாப்பிழந்தது என்று நீங்கள் நம்பினால், அல்லது உங்கள் கணக்கின் பாதுகாப்பு பற்றி உங்களுக்கு ஏதேனும் கவலை இருந்தால், FlySmiLes பக்கத்தில் உள்நுழைந்து உங்கள் கடவுச்சொல்லை உடனே மாற்றுமாறு பரிந்துரைக்கிறோம்.
• உங்கள் FlySmiLes கணக்கின் கடவுச்சொல் அல்லது மெம்பர்ஷிப் எண்ணை மறந்துவிட்டால், இங்கே மீண்டும் அமைத்துக்கொள்ளலாம்.
• ஸ்ரீலங்கன் ஏர்லைன்ஸிடம் இருந்து அல்லது The Srilankan குழுமத்தின் பிற நிறுவனங்களில் இருந்து வந்ததாகக் காண்பித்துக்கொள்கின்ற ஏதேனும் மெசேஜ் உங்களுக்கு வந்து, அது ஃபிஷிங்காக இருக்கலாம் என்று நீங்கள் சந்தேகித்தால், நீங்கள் cybersecurity@srilankan.com எனும் மின்னஞ்சல் முகவரியில் ஸ்ரீலங்கன் ஏர்லைன்ஸ் சைபர் செக்யூரிட்டி பிரிவைத் தொடர்புகொள்ளலாம்.

தனியுரிமை

எங்களுடைய தனியுரிமைக் கொள்கை பற்றி நீங்கள் இங்கே படித்துத் தெரிந்துகொள்ளலாம், உங்கள் தனிப்பட்ட தகவல்களை நாங்கள் எப்படிப் பாதுகாக்கிறோம் என்பது பற்றியும் தெரிந்துகொள்ளலாம்.

உங்கள் கணக்கின் பாதுகாப்பு பற்றிக் கவலை இருந்தால், ஸ்ரீலங்கன் ஏர்லைன்ஸ் உதவி மையத்தைத் தொடர்புகொள்ளலாம் அல்லது இணையவழியில் எங்களிடம் பேசலாம்.

The Srilankan குழுமத்தின் தயாரிப்புகள் அல்லது வெப் சர்வர்களைப் பாதிக்கும் வகையிலான பாதுகாப்பு அல்லது தனியுரிமைப் பிரச்சனைகள் பற்றிப் புகாரளிக்க, நீங்கள் cybersecurity@srilankan.com என்ற மின்னஞ்சல் முகவரியில் தொடர்புகொள்ளலாம். பாதுகாப்பு சிக்கல் பற்றி நாங்கள் விசாரிக்க மேலும் தகவல் தேவைப்பட்டால் இந்தப் பாதுகாப்பான தொடர்பு முறையின் மூலம் உங்களுக்கு பதிலளிப்போம்.

எங்கள் வாடிக்கையாளர்களைப் பாதுகாப்பதற்காக, விசாரணை முழுமையாக முடிந்து, தேவையான திருத்தங்கள் அல்லது சரிசெய்வதற்கான தீர்வுகள் கிடைக்கும் வரை, பாதுகாப்பு சிக்கல்கள் பற்றி ஸ்ரீலங்கன் குழுமம் பொதுவாக விவாதிக்காது, வெளிப்படுத்தாது, உரையாடாது, அல்லது உறுதிப்படுத்தாது.

ஸ்ரீலங்கன் ஏர்லைன்ஸ் நிறுவனம், அது செயல்படும் நாடுகளில் உள்ள உள்நாட்டு சட்டங்களுக்கு இணங்க அரசாங்கங்கள் சமர்ப்பிக்கின்ற தகவல் கோரிக்கைகளைக் கையாளுகிறது. நீங்கள் ஒரு சட்ட அமலாக்க முகமையைச் சேர்ந்தவராக இருந்தால் privacy.office@srilankan.com என்ற மின்னஞ்சல் முகவரியில் தொடர்பு கொள்ளலாம்.

பத்திரிகையாளர்கள் media@srilankan.com என்ற மின்னஞ்சல் முகவரியில் எங்கள் பத்திரிகை அலுவலகத்தைத் தொடர்பு கொள்ளலாம் அல்லது ஸ்ரீலங்கன் மீடியா சென்டர் தளத்தைப் பார்க்கலாம்.

மோசடிகளைத் தவிர்ப்பதற்கும், உங்களுடைய FlySmiLes ID பாதுகாப்பிழந்துவிட்டது என்று நினைத்தால் நீங்கள் என்ன செய்ய வேண்டும் என்பது பற்றித் தெரிந்துகொள்ளவும் இந்த உதவி குறிப்புகளைப் பயன்படுத்திக் கொள்ளுங்கள்.

ஸ்ரீலங்கன் ஏர்லைன்ஸ் நிறுவனத்திலிருந்து பேசுவதாகக் கூறி, மின்னஞ்சல் மூலமாகவோ அல்லது ஃபோன் அழைப்பு மூலமாகவோ தொடர்புகொண்டு கணக்குப் பெயர் கடவுச்சொல் போன்றவற்றை யாராவது கேட்டால், அது அநேகமாக மோசடி முயற்சியாக இருக்க வாய்ப்புள்ளது.

மோசடிக்காரர்கள் ஒருவரது தனிப்பட்ட தகவல்களைப் பெற, போலி மின்னஞ்சல்கள் விளம்பரங்கள், SMS செய்திகள், உடனடிச் செய்திகள், ஃபோன் அழைப்புகள் என எந்த வழியையும் பயன்படுத்துவார்கள் (ஆனால் இவை மட்டுமே அல்ல). உங்களது FlySmiLes ID கடவுச்சொல் கிரெடிட் கார்டு விவரங்கள் போன்ற உங்கள் தனிப்பட்ட தகவல்களை உங்களைப் பகிரச் செய்ய தந்திரமாக அவர்கள் முயற்சி செய்வார்கள். உங்கள் கணக்கைப் பாதுகாக்கவும் மோசடிகளைத் தவிர்க்கவும் உதவக்கூடிய சில குறிப்புகள் இதோ.

உங்கள் FlySmiLes ID-ஐ பாதுகாத்திடுங்கள்

ஒருபோதும் உங்கள் FlySmiLes ID-ஐ யாரிடமும் பகிர்ந்து கொள்ளாதீர்கள். ஸ்ரீலங்கன் ஏர்லைன்ஸ் நிறுவனம் தனது சரிபார்ப்புச் செயல்முறையின் ஒரு பகுதியாகவோ அல்லது உங்களுக்கு உதவிடும்போதோ ஒருபோதும் இவற்றைக் கேட்காது. உங்களுடைய FlySmiLes ID பாதுகாப்பிழந்து விட்டது என்று நீங்கள் நினைத்தால் உடனடியாக உங்கள் கடவுச்சொல்லை மாற்றுமாறு பரிந்துரைக்கிறோம்.

சந்தேகப்படும்படியாக ஃபோன் அழைப்பு அல்லது வாய்ஸ் மெயில் உங்களுக்கு வந்தால்

உங்கள் தனிப்பட்ட தகவல்களையும் கடவுச்சொற்களையும் நீங்களே பகிரும்படி செய்வதற்காக, மோசடிக்காரர்கள் பிற உண்மையான நிறுவனங்களின் மின்னஞ்சல், SMS செய்திகள் போன்றவற்றை நகலெடுத்து அனுப்பவும் முயற்சி செய்வார்கள் (அங்கீகாரமற்ற முறையில் கார்ப்பரேட் லோகோக்கள், வடிவமைப்புகள் போன்றவற்றைப் பயன்படுத்துவது உட்பட). சந்தேகத்திற்கிடமான அல்லது தேவையின்றி வந்துள்ள செய்திகளில் உள்ள இணைப்புகளை வாடிக்கையாளர்கள் கிளிக் செய்யவோ திறக்கவோ வேண்டாம் என்று நாங்கள் பரிந்துரைக்கிறோம். உங்கள் தனிப்பட்ட தகவல்களை மாற்றவோ புதுப்பிக்கவோ வேண்டுமென்றால் நேரடியாக எங்களைத் தொடர்புகொள்ளுங்கள்.

ஃபிஷிங் மோசடியாக இருக்க வாய்ப்புள்ள முயற்சிகளை இந்த அடையாளங்களைக் கொண்டு நீங்கள் கண்டுகொள்ளலாம்:

• மின்னஞ்சலை அனுப்புபவரின் பெயரும், அவர் தனது நிறுவனம் என்று கூறும் அந்த நிறுவனத்தின் பெயரும் பொருந்தாது.
• நீங்கள் நிறுவனத்திற்கு வழங்கிய உங்களுடைய மின்னஞ்சல் முகவரி அல்லது ஃபோன் எண் அதுவாக இருக்காது.
• செய்தியானது, “அன்பார்ந்த வாடிக்கையாளரே” என்பது போன்ற மிகப் பொதுவான தொடக்கத்தைக் கொண்டிருக்கும். நம்பகமான நிறுவனங்களாக இருந்தால் செய்தியில் உங்கள் பெயரைக் குறிப்பிட்டுத் தொடங்குவார்கள்.
• பார்ப்பதற்கு இணைப்பு நம்பகமானது போல் தெரியும், ஆனால் கிளிக் செய்தால் நிறுவனத்தின் வலைத்தள முகவரியுடன் பொருந்தாத வேறொரு வலைத்தளத்திற்குச் செல்லும்.
• நீங்கள் நிறுவனத்திடம் இருந்து ஏற்கனவே பெற்றுள்ள செய்திகளில் இருந்து இந்த செய்தி மிகவும் வித்தியாசமாகக் காணப்படும்.
• செய்தியானது, கிரெடிட் கார்டு விவரங்கள், கணக்கின் கடவுச்சொல் போன்ற தனிப்பட்ட தகவல்களை வழங்குமாறு கேட்கும்.
• செய்தியானது, நீங்கள் அனுப்புமாறு கேட்காமல் வந்திருக்கும், அதில் ஏதேனும் கோப்பு இணைக்கப்பட்டிருக்கும்.

ஃபிஷிங் முயற்சிகளையும், பிற சந்தேகப்படும்படியான செய்திகளையும் குறித்து ஸ்ரீலங்கன் ஏர்லைன்ஸ் நிறுவனத்திடம் புகாரளியுங்கள்.

ஸ்ரீலங்கன் ஏர்லைன்ஸ் நிறுவனத்திடம் இருந்து வருவதாகக் கூறிக் கொள்ளும், சந்தேகப்படும்படியான மின்னஞ்சல் பற்றிப் புகாரளிக்க, அந்த மின்னஞ்சலை cybersecurity@srilankan.com என்ற முகவரிக்கு நீங்கள் அப்படியே அனுப்பலாம். தலைப்பில் உள்ள தகவல்களை அப்படியே முழுவதும் சேர்க்கவும். இந்த மின்னஞ்சல் முகவரியை ஸ்ரீலங்கன் ஏர்லைன்ஸ் நிறுவனம் கண்காணிக்கிறது, இருந்தாலும் நீங்கள் அனுப்பும் புகாருக்கு தானாக அனுப்பப்படும் ஒப்புகை பதில் மட்டுமே பெறுவீர்களே தவிர தனித்தனியாக பதில் அனுப்பப்படாது .

உங்கள் Flysmiles ID-க்கான அணுகலை அங்கீகரிக்கப் படாத நபர் ஒருவர் பெற்றிருக்கலாம் என்று கவலைப் படுகிறீர்களா? உங்கள் கணக்கைக் கண்டறியவும், அதன் கட்டுபாட்டை மீண்டும் பெறவும் இந்த வழிமுறைகள் உங்களுக்கு உதவும்.

எங்கள் வாடிக்கையாளர்கள் ஸ்ரீலங்கன் ஏர்லைன்ஸ் நிறுவனம் மட்டுமின்றி அதன் பார்ட்னர் தயாரிப்புகள் மற்றும் சேவைகளை அணுகவும், அவர்களுடைய Flysmiles ID-ஐ பயன்படுத்த முடியும். ஆகவே உங்கள் Flysmiles கணக்கை கூடுமானவரை பாதுகாப்பாக வைத்திருக்கப் பரிந்துரைக்கிறோம். எங்கள் வாடிக்கையளர்கள் அவர்களுடைய கடவுச்சொல் தகவல்களை யாரிடமும் பகிர்ந்துக்கொள்ள வேண்டாம் என்று பரிந்துரைக்கிறோம் உங்களுக்குத் தெரியாத யாரோ ஒருவரோ அல்லது நீங்கள் நமபாத ஒரு நபரோ உங்களுடைய Flysmiles கணக்கில் உள்நுழைய முடிகிறது என்று நீங்கள் நினைத்தால் உங்கள் கணக்கு பாதுகாப்பு இழந்து விட்டது என்று பொருள்.

நீங்கள் பயன்படுத்துகின்ற Flysmiles கணக்கு பாதுகாப்பற்றதாக இருக்கலாம் என்பதற்கான காரணங்கள் சில இதோ:

• உங்கள் சார்பாக Flysmiles கணக்கை வேறு யாரோ உருவாக்கியுள்ளார்கள் அல்லது உங்களுடைய டிராவல் ஏஜெண்ட் வழங்கிய Flysmiles கணக்கை நீங்கள் பயன்படுத்துகிறீர்கள்.
• ஒரே Flysmiles கணக்கை நீங்கள் உங்களுடைய குடும்பத்தினர் அல்லது நண்பர்களுடன் பகிர்ந்து பயன்படுத்துகிறீர்கள். உங்கள் Flysmiles கணக்கு என்பது உங்களுக்கு மட்டுமேயான தனிப்பட்ட ஒரு கணக்கு என்று எங்கள் வாடிக்கையாளர்களுக்கு நாங்கள் நினைவூட்டுகிறோம்.
• உங்கள் சாதனத்தில் The Srilankan செயலியில் உள்நுழைந்துள்ள Flysmiles கணக்கை உங்களுக்கு அடையாளம் தெரியவில்லை
• தெரிந்தோ தெரியாமலோ வேறு யாரிடமும் நீங்கள் உங்களுடைய கடவுச்சொல்லைப் பகிர்ந்திருக்கலாம். உதாரணமாக, உங்களுக்காக வேறு யாரவது கடவுச்சொல்லைத் தேர்ந்தெடுத்திருக்கலாம், நீங்கள் உங்கள் கடவுச்சொல்லை யாரிடமாவது சொல்லி இருக்கலாம், அல்லது ஃபிஷிங் வலைத்தளத்தில் உங்கள் கடவுச் சொல்லை உள்ளிட்டிருக்கலாம்.
• உங்களுடைய FlySmiLes கணக்குடன் தொடர்புடைய மின்னஞ்சல் முகவரி அல்லது ஃபோன் எண்ணுக்கான கட்டுப்பாடு உங்களிடம் இல்லாதிருக்கலாம்.
• உங்கள் கடவுச்சொல் பலவீனமானதாகக் கருதப்பட்டிருக்கலாம். எழுத்துகள்,எண்கள் பேரெழுத்துகள், சிற்றெழுத்துகள், குறியீடுகள் ஆகிய எல்லாம் கலந்த கடவுச்சொற்களே மிகவும் வலிமையானவை. இவை யூகிக்க முடியாத ஒரு சொல்லாக இருக்கும், அதே சமயம் எந்த ஒரு வார்த்தை அல்லது பேரைப் போலவும் இருக்காது.

மேலே கூறியவற்றில் ஏதேனும் ஒன்று உங்களுக்குப் பரிச்சயமானதாக இருந்தால் உங்கள் கணக்கின் பாதுகாப்பு இழக்கப்பட்டிருக்கலாம், உங்கள் கடவுச்சொல்லை கூடுமான விரைவில் மீட்டமைத்துவிட்டு உங்கள் கணக்குத் தகவலை சரிபார்க்குமாறு நாங்கள் பரிந்துரைக்கிறோம்.

நீங்கள் செய்யாத ஒரு மாற்றம் பற்றி SriLankan FlySmiLes நிறுவனத்திடமிருந்து கணக்கு அறிவிப்பை நீங்கள் பெற்றால் அல்லது உங்கள் கணக்கு விவரங்களில் நடந்துள்ள மாற்றங்களை உங்களுக்கு அடையாளம் தெரியவில்லை என்றால், உங்களுடைய FlySmiLes கணக்கு பாதுகாப்பிழந்திருக்கலாம். உதாரணத்திற்கு:

• உங்களுக்கு அடையாளம் தெரியாத அல்லது சமீபத்தில் நீங்கள் உள்நுழையாத ஒரு சாதனத்தில் உள்நுழைய உங்களுடைய FlySmiLes கணக்கு பயன்படுத்தப்பட்டுள்ளது என்று அறிவிக்கின்ற ஒரு மின்னஞ்சல் அல்லது அறிவிப்பு உங்களுக்கு வருகிறது (உதாரணத்திற்கு, அறியப்படாத PC அல்லது அறியப்படாத இருப்பிடத்திலிருந்து SriLankan.com வலைத்தளத்தில் உள்நுழைவதற்கு உங்கள் FlySmiLes கணக்கு பயன்படுத்தப்பட்டுள்ளது).
• உங்களுடைய FlySmiLes கணக்கின் கடவுச்சொல் மாற்றப்பட்டுள்ளது அல்லது உங்கள் கணக்கின் தகவல் புதுப்பிக்கப்பட்டுள்ளது என்று குறிப்பிடும் ஒரு உறுதிப்படுத்தல் மின்னஞ்சலை ஸ்ரீலங்கன் ஏர்லைன்ஸ் நிறுவனத்திடமிருந்து நீங்கள் பெறுகிறீர்கள், ஆனால் அப்படி எதுவும் மாற்றங்கள் செய்ததாக உங்களுக்கு நினைவில்லை.
• நீங்கள் செய்யாத பர்ச்சேஸ்கள் அல்லது ரிடெம்ப்ஷன்களுக்காக உங்கள் Flysmies மைல்கள் பிடித்தம் செய்யப் படுகின்றன
• உங்கள் கடவுச்சொல் வேலை செய்யாமல் போகிறது அல்லது மாற்றப்பட்டுள்ளது அல்லது பூட்டப்பட்டுள்ளது.
• உங்கள் கணக்கு விவரங்களில் சில விவரங்கள் அல்லது அனைத்தையும் உங்களால் அடையாளம் காண முடியவில்லை.

உங்களுடைய FlySmiLes கணக்கு பாதுகாப்பிழந்து விட்டதாக நீங்கள் நினைத்தால், உங்கள் கணக்கின் கட்டுப்பாட்டை மீண்டும் பெறுவதற்கு இந்த வழிமுறைகளைப் பயன்படுத்தலாம், பிறகு உங்கள் கணக்குத் தகவலை சரிபார்க்கலாம்

• உங்கள் FlySmiLes கணக்குப் பக்கத்தில் உள்நுழையவும். உள்நுழைய முயற்சி செய்யும்போது, உங்களால் உள்நுழைய முடியாவிட்டால் அல்லது உங்கள் கணக்கு பூட்டப்பட்டுள்ளது என்று செய்தி காண்பிக்கப்பட்டால், உங்கள் கணக்கை மீட்டமைக்க அல்லது அன்லாக் செய்ய முயற்சி செய்யுங்கள். அப்போதும் உள் நுழைய முடியாவிட்டால் FlySmiLes குழுவை நீங்கள் தொடர்பு கொள்ளலாம்.
• உங்கள் FlySmiLes கணக்கின் கடவுச்சொல்லை மாற்றி, வலிமையான கடவுச்சொல்லைத் தேர்வு செய்யுங்கள்.
• உங்கள் கணக்கில் உள்ள தனிப்பட்ட மற்றும் பாதுகாப்பு தொடர்பான தகவல்கள் அனைத்தையும் சரிபாருங்கள். தவறான அல்லது உங்களுக்கு அடையாளம் தெரியாத ஏதேனும் தகவல்கள் இருந்தால் அவற்றைப் புதுப்பியுங்கள், உதாரணம்:
  • உங்கள் பெயர்.
  • FlySmiLes கணக்கிற்கான உங்கள் பிரதான மின்னஞ்சல் முகவரி. உங்கள் மின்னஞ்சல் முகவரியை மாற்ற விரும்பினால், தனிப்பட்ட விருப்பத்தேர்வுகள் என்னும் பிரிவிற்குச் சென்று நீங்கள் மாற்றலாம்.
  • மாற்று மின்னஞ்சல் முகவரிகள், மீட்பு மின்னஞ்சல் முகவரிகள், ஃபோன் எண்கள் ஆகிய அனைத்தும்.
• உங்கள் FlySmiLes கணக்குடன் தொடர்புடைய மின்னஞ்சல் முகவரி ஒவ்வொன்றையும் நீங்கள் தான் கட்டுப்படுத்துகிறீர்கள் என்பதை உறுதி செய்து கொள்வதற்கு, உங்களுடைய மின்னஞ்சல் முகவரியை வழங்கிய நிறுவனத்தைத் தொடர்புகொள்ளுங்கள். FlySmiLes கணக்குடன் தொடர்புடைய மின்னஞ்சல் முகவரிகளை உங்களுக்கு அடையாளம் தெரியாவிட்டால் அல்லது அவற்றை நீங்கள் கட்டுப்படுத்தாவிட்டால், அந்த மின்னஞ்சல் முகவரிக்கான கடவுச்சொல்லை மாற்ற வேண்டும் அல்லது வேறு மின்னஞ்சல் முகவரியைப் பயன்படுத்த வேண்டும் என்று நாங்கள் பரிந்துரைக்கிறோம்.

மேலே வழங்கப்பட்டுள்ள வழிமுறைகளை நீங்கள் நிறைவு செய்துவிட்டீர்கள், இருந்தாலும் இப்போதும் உங்கள் கணக்கின் பாதுகாப்பு இழக்கப்பட்டுள்ளது என்று நீங்கள் நினைத்தால் ஸ்ரீலங்கன் ஏர்லைன்ஸ் உதவிமையத்தை நீங்கள் தொடர்புகொள்ளலாம்.

குற்றவாளிகள் போலி மின்னஞ்சல்களையும் போலி வலைதலங்களையும் பயன்படுத்துகிறார்கள்.

மக்கள் தங்களது கடவுச்சொற்களையும் பிற பாதுகாக்க வேண்டிய விவரங்களையும் வழங்கிவிடும்படி செய்வதற்காக இவற்றை குற்றவாளிகள் அமைத்துக் கொள்கிறார்கள். தொழில்நுட்பத் துறையில் இதையே 'ஃபிஷிங்' என்று அழைக்கின்றனர்.

உதாரணமாக, எங்களிடமிருந்து வருவது போன்றே தோற்றம் அளிக்கக் கூடிய ஒரு மின்னஞ்சலை அவர்கள் உங்களுக்கு அனுப்பலாம், இதைப் போலவே காணப்படுகின்ற ஒரு வலைத்தளைத்திற்கான இணைப்பும் அதில் இருக்கலாம். நீங்கள் உள்நுழைய முயற்சி செய்யும் போது அவர்கள் உங்கள் கடவுச்சொற்களைத் திருடிவிட முடியும். ஒரு ஃபோன் அழைப்பை செய்யுமாறு அல்லது மின்னஞ்சலில் பதிலளிக்குமாறு உங்களை அவர்கள் கேட்கவும் செய்யலாம்.

தங்களது மின்னஞ்சல்கள் மற்றும் வலைத்தளங்கள் உண்மையானவை போலவே தோன்றும்படி செய்வதில் அவர்கள் திறமைசாலிகள். ஆனால் போலி மின்னஞ்சல்கள் அல்லது வலைத்தளங்கள் பின்வரும் சில பொதுவான பண்புகளைக் கொண்டிருக்கும்.

• மின்னஞ்சல் முகவரி அல்லது வலைத்தளங்கள் முகவரி சற்று வித்தியாசமாக இருக்கும்.
• டிசைன் நன்றாக இருக்காது, எழுத்துப் பிழைகள், தவறான எழுத்துவரிசைகள் இருக்கும்
• வழக்கத்திற்கு மாறான ஏதேனும் ஒன்றை அவர்கள் உங்களைச் செய்யச் சொல்வார்கள்
• வலைத்தளம் உங்களை உள்நுழையக் கேட்கும், ஆனால் நீங்கள் உள்நுழையும் போது அதன் முகவரிப் பட்டியில் பூட்டுச் சின்னம் இருக்காது

சந்தேகம் ஏற்பட்டால் உள்நுழையாமல் நிறுத்திவிடுங்கள். எந்த இணைப்புகளையும் கிளிக் செய்யாதீர்கள். இணைக்கப்பட்ட கோப்புகள் எதையும் திறக்காதீர்கள். அந்த மின்னஞ்சலை அப்படியே cybersecurity@srilankan.com என்ற மின்னஞ்சல் முகவரிக்கு அனுப்பி விடுங்கள், நாங்கள் அது என்ன என்று ஆய்வு செய்வோம்.

Unauthorized use of SriLankan Airlines branding, logos, or systems for fraudulent purposes may result in legal action.

All personal data is processed in accordance with applicable data protection laws including the Sri Lanka Personal Data Protection Act No. 9 of 2022 and other applicable international regulations.

SriLankan Airlines shall not be liable for any loss, damage, or unauthorized access arising from customer negligence, phishing attacks, or third-party actions beyond its reasonable control.

This information is provided for general guidance only and does not constitute a guarantee of security. SriLankan Airlines shall not be responsible for any losses arising from cyber incidents beyond its reasonable control, including but not limited to phishing, malware, or unauthorized access caused by third parties.