- திட்டமிட்டு பதிவு செய்திடுங்கள்
- பயணத் தகவல்
- அனுபவம்
-
-
-
தமிழ் ▼
உங்கள் நாடு / பகுதி மற்றும் மொழியைத் தேர்வுசெய்க
-
-
தமிழ் ▼
விமானத்திற்குள் Thales AVANT எனும் பொழுது போக்குச் சாதனம் உங்களுக்குக் கிடைக்கும். இது ஹொலிவூட் மற்றும் பொலிவூடின் அதிநவீன வெற்றிப் படங்களையும் பழைமை மற்றும் விருப்பத்துக்குரியவற்றின் மிகச்சிறந்த தெரிவுகளையும் கொண்டுள்ளது. விமானப் பயணிகள் தி ரையைத் தொடுவதன் மூலம் தாம் விரும்பிய வீடியோ காட்சிகளை இதில் கண்டு ரசிக்கலாம். இதன் திரை 15.4 அங்குலம் நீளமுடையதாகும். 50 இற்கும் அதிகமான தொலைக்காட்சி அலைவரிசைகள், 120 திரைப்படங்கள், விஸ்தரிக்கப்பட்ட இசை இறுவெட்டுகளின் நூலகம், வானொலி அலைவரிசை மற்றும் சகல வயதினரையும் கவரக்கூடிய வகையில் பெரும் எண்ணிக்கையான விளையாட்டுக்கள் என்பன பிஸ்னஸ் வகுப்பின் ஏனைய அம்சங்களாகும்.
எமது புதிய எ330-300 ரக விமானத்தில் அதிநவீன zodiac ஆசனங்கள் பொருத்தப்பட்டுள்ளன. இந்த இருக்கை அமைப்பு பயணிகளின் ஆகக்கூடிய வசதிக்கு ஏற்ப மீள்கட்டமைக்க கூடியவை. இதில் அமர்ந்து செய்யும் பயணம் உங்களுக்கு உற்சாகமான அனுபவத்தை வழங்கும். அத்துடன் உங்களுக்கு இங்கே கால்களை வசதியாக வைத்திருப்பதற்கும் நடமாடுவதற்கும் கூடுதல் இடவசதி உண்டு. இங்கு காணப்படும் கிடையான படுக்கைகள் அதிசொகுசு என்பதன் இறுதிப் பதத்தைக் குறிக்கும் உச்ச தரம் கொண்டவை. உங்களின் தனியுரிமையைப் பாதுகாக்கும் வகையில் நீங்கள் ஏனைய பயணிகளிடமிருந்து பிரித்து வைக்கப்படுவதனால் எவ்வித இடையூறும் இன்றி பயணம் முழுவதும் உங்களால் ஆழ்ந்த உறக்கம் கொள்ள முடியும். பயண இலக்கை அடையும்போது இதுவே உங்களுக்குப் புத்துணர்ச்சி அளிக்கும்.
நாவூறும்படியாக தயாரிக்கப்படும் ருசிகரமான உணவுகள் உங்களை மெய்மறக்கச் செய்யும். அனைத்து உணவுகளும் சுகாதார அடிப்படையில் மேலதிக கவனம் கொண்டு தயாரிக்கப்படுகின்றன. இது 37,000 அடி உயரத்திலும் உங்களுக்கு மறக்க முடியாத சமையல் அனுபவத்தை வழங்குகின்றது. இங்கு கூடவே எமது மிகச் சிறந்த வைன்களையும் தெரிவு செய்யக்கூடிய வாய்ப்பு உங்களுக்குக் கிடைக்கும்.
எமது பிஸ்னஸ் வகுப்பு விமான நிலையத்திலிருந்தே ஆரம்பமாகின்றது. அந்த வகையில் நீங்கள் பண்டாரநாயக்கா சர்வதேச விமான நிலையத்தை உள்ளடையும் போதே உங்களுக்கு முன்னுரிமையளிக்கப்படுவதுடன் 'செரண்டிப்’ எனப்படும் சொகுசு ஓய்வறையினை உடன் அடைவதற்கான வசதியும் வழங்கப்படுகிறது.
பயணத்தின்போது தேவைப்படக்கூடிய பொருட்களடங்கிய பொதியொன்று பிஸ்னஸ் வகுப்புப் பயணிகளுக்கென விசேடமாக வழங்கப்படுகிறது. தெரிவு செய்யப்பட்ட விமானங்களில் மாத்திரமே இச்சலுகை உண்டு. இதில் ஓரிரவுக்குத் தேவையான குளியலறைப் பொருட்கள் உள்ளடக்கப்பட்டிருக்கும். அத்துடன் Crabtree மற்றும் Evelyn தயாரிப்பிலான அழகுசாதனப் பொருட்கள், பற் சுகாதாரத்துக்கு அவசியமானவை, காது அடைப்பான் உள்ளிட்டவையும் இப்பொதியில் காணப்படும்.
தனது பெறுமதி மிக்க வாடிக்கையாளர்களுக்கு முன்னுரிமை அளிப்பதற்காக ஸ்ரீலங்கன் விமான சேவையானது தனித்துவமான இயல்பையும் வசதிகளையும் கொண்டதாக ‘செரண்டிப்’ என்னும் சொகுசு ஓய்வறையை வடிவமைத்துள்ளது. இது பண்டாரநாயக்கா சர்வதேச விமான நிலையத்தின் வெளியேறும் மண்டபத்தில் முதலாவது மாடியில் விமானங்களின் தரிப்பிடத்தை நோக்கியதாக அமைந்துள்ளது. பிஸ்னஸ் வகுப்புப் பயணிகளின் கோரிக்கைகளை ஈடுசெய்யும் வகையிலும் ஓய்வினை வழங்கக்கூடிய சூழல் மற்றும் அழகிய வெளித்தோற்றத்துடனும் இது அமைந்துள்ளது. இங்கு 80 பேருக்குரிய ஆசன வசதிகளும் 20 பேருக்கு உணவருந்தக் கூடிய வசதியும் உண்டு.
