பயணப்பொதியின் தகவல்கள்

இலவச பயணப் பொதிகளுக்கான நிறைக் கொள்கை

வடக்கு, மத்திய மற்றும் தென் அமெரிக்கா செல்லும் / அங்கிருந்து வரும் பயண இலக்குகளைத் தவிர்த்து ஏனைய பயணப்பாதைகளுக்குரியது.

பரிமாணம் = நீளம் + உயரம் + அகலம்
குறிப்பு : குறிப்பிட்ட காலப்பகுதி, பயணப்பாதைகள் மற்றும் பயணக் கட்டண வகைகள் ஆகியவற்றைப் பொறுத்து விதிவிலக்குகள் ஏற்படுத்தப்படலாம்.

துண்டங்களுக்கான கொள்கை.

வடக்கு, மத்திய மற்றும் தென் அமெரிக்கா செல்லும் / அங்கிருந்து வரும் பயண இலக்குகளின் பயணப்பாதைகளுக்குரியது.

Important

If your journey involves multiple airline partners, please note that baggage allowance may vary from the information provided above.

Please contact your travel agent or our ticketing/reservation agent for further advice on your baggage allowance.

For checked baggage allowances for SriLankan Airlines FlySmiLes Members and oneworld top tier members please visit our page on FlySmiLes Rewards & Benefits and the FlySmiLes member guide updated on our website.

Oversized Baggage Policy

Please note that when a piece of baggage exceeds the total dimension of 158cm (height + length + width), a charge of USD 50 per oversized bag will be charged. However, the acceptance of such oversized baggage will be subject to the type of aircraft as well. This does not apply to sporting equipment which will be handled separately

அனைத்துப் பயண இலக்குகளுக்குமான யு.எல் கொள்கை

ஒவ்வொரு பொருளும்; 18"x14"x8" (46x36x20 செ.மீ) கட்டாயமாக இந்த பரிமாணத்தை மீறக்கூடாது.

விமானத்தின் அனைத்து வகுப்புக்குரிய பயணிகளும் தமது கைப்பொதிகளுக்கு மேலதிகமாக கீழே குறிப்பிடப்பட்டுள்ள பொருட்களை தம்முடன் எடுத்துச் செல்ல முடியும்.

• ஒரு மடிக்கணினி
• ஒரு பெண்கள் கைப்பை, பணப்பை அல்லது குறிப்புப் புத்தகம்
• ஒரு மேற்சட்டை, போர்வை அல்லது பிளெங்கட்
• ஒரு குடை அல்லது ஊன்று கோல்
• ஒரு சிறிய புகைப்படக்கருவி மற்றும் / அல்லது ஒரு சோடி தொலைநோக்கி

குழந்தைகளுடன் செல்லும் பயணிகளுக்கு

• விமானத்திற்குள் பயன்படுத்தும் குழந்தைகள் உணவு மற்றும் குழந்தைகளுக்குப் பயன்படுத்தும் டயப்பர்ஸ் போன்றன உள்ளடக்கப்பட்ட 22”x15”x8” (55x38x20 செ.மீ ) அளவுடைய விமானத்திற்குள் எடுத்துச் செல்லக் கூடிய பையாக இருத்தல் வேண்டும். எனினும் இதன் நிறை 11 இறாத்தலை (5 கிலோகிராம்) மீறக்கூடாது.
• குழந்தைகளைக் கொண்டு செல்லப் பயன்படுத்தும் கூடை அல்லது மடிக்கக் கூடிய தள்ளு வண்டி (விமானத்திற்குள் உள்ள இடவசதியைப் பொறுத்து அதனை எடுத்துச் செல்ல முடியும். இல்லையாயின் பயணப்பொதிகளுடனேயே எடுத்துச் செல்லப்படல் வேண்டும்.)

கைப்பொதி ஏற்றுக்கொள்ளப்படாத சந்தர்ப்பங்கள்

• நிறை, அளவு அல்லது தன்மை காரணமாக விமானப் பயணத்திற்கு பொருத்தமற்றது.
• ஆசனத்திற்கு கீழ் அல்லது தலைக்கு மேல் காணப்படும் அடுக்கில் வைக்க முடியாதவை.
• பொருத்தமில்லாத வகையில் பொதி செய்யப்பட்டவை.

விமானத்திற்குள் எடுத்துச் செல்லப்படும் பயணப்பொதிகள் பயணிகளுக்கும் விமானப் பணியாளர்களுக்கும் காயங்களை உள்ளாக்கக் கூடிய அபாயகரமான சூழ்நிலையை ஏற்படுத்தாத வகையில் பாதுகாப்புக்கு கூடுதல் முக்கியத்துவம் அளிக்கப்படுவதாக இருத்தல் வேண்டும். இவற்றின் நிறை அதிகரிக்கப்படும் சந்தர்ப்பங்களில் போர்டிங் கேட்டில் வைத்து திருப்பி வழங்கப்படுவதுடன் இவை மேலதிக பயணப்பொதி கட்டணத்துக்குள் உள்ளடக்கப்படும்.

ஸ்ரீலங்கன் விமானசேவையூடாக உங்கள் விமானம் முற்பதிவு செய்யப்பட்டுள்ளபோதும் அந்த விமானம் எமது குறியீட்டுப் பங்குகளையுடைய எமது பங்குதாரர் விமானசேவைகளால் இயக்கப்படலாம்.

உங்கள் விமானம் அல்லது ஒரு குறிப்பிட்ட இடத்துக்கான விமானம் எம்மிடமுள்ள பலகுறியீட்டுப் பங்கு விமானங்களின் ஏதாவது ஒன்றினால் இயக்கப்படுமாயின் ஸ்ரீலங்கன் விமானசேவையின் பயணப்பொதிக் கொள்கை நடைமுறைப்படுத்தப்படும். எவ்வாறாயினும் பயணப் பாதை மற்றும் ஏனைய பங்குதாரர் விமானங்களின் ஒப்பந்தங்களுக்கமைய விதிவிலக்குகள் அமுல் செய்யப்படும்.

குறியீட்டுப் பங்கு / பங்குதாரர் விமானசேவைகளில் எடுத்துச் செல்லப்படும் கைப்பொதிகளுக்கு செயற்படும் விமானசேவையின் பயணப்பொதிக் கொள்கை நடைமுறைப்படுத்தப்படும்.

முற்கொள்வனவு செய்யும் மேலதிக பயணப்பொதிக் கொடுப்பனவுக்கு விலைக்கழிவுடன் கூடிய கட்டணங்கள்

எதனையும் தவற விடாமல் உங்களுக்குத் தேவையான அனைத்தையும் எடுத்துச் செல்லுங்கள்! மேலதிக பயணப்பொதிக் கொடுப்பனவுகளை விசேடமான விலைக்கழிவுக் கட்டணங்களுக்கு முற்கொள்வனவு செய்து உங்கள் நேரத்தையும் பணத்தையும் மீதப்படுத்தி கவலையைத் தவிருங்கள். மேலதிக தகவல்களுக்கு எமது க்ளோபல் அழைப்பு மையத்தை 1979 / + 94 777 77 1979 ஆகிய இலக்கங்களில் அல்லது எமது பயணச்சீட்டு அலுவலகங்களை அல்லது உங்கள் பயண முகவரை உதவிக்காக அழையுங்கள்.

அனைத்து வகைப் பயணிகளும் வழங்கப்பட்டுள்ள இலவச பயணப்பொதிக் கொடுப்பனவுக்கு மேலதிகமாக கொண்டு செல்லும் எந்தவொரு பயணப்பொதியினையும் மேலதிக கட்டணம் செலுத்தியே எடுத்துச் செல்லல் வேண்டும்.

எந்தவொரு மேலதிக பயணப்பொதிக் கட்டணமும் (முழுமையாக அல்லது பகுதியளவில் பயன்படுத்தப்பட்டது) திரும்ப வழங்கப்பட மாட்டாது. விதிமுறைகள் மற்றும் நிபந்தனைகள் அமுலில் இருக்கும்.

கீழே அச்சிடப்பட்டுள்ள அமெரிக்க டொலர்களிலுள்ள கட்டணங்களானது செக் -இன் ஆகும்போது உள்நாட்டில் நடைமுறையிலுள்ள கட்டணத்துக்கு மாற்றப்படும்.

நிறைக் கொள்கை

வடக்கு, மத்திய மற்றும் தென் அமெரிக்கா நோக்கிச் செல்லும் / வரும் பயணப்பாதையைத் தவிர்ந்த ஏனையவற்றுக்கு

உங்களின் இலவச பயணப்பொதிக் கொடுப்பனவை மீறும் ஒவ்வொரு கிலோ கிராம் நிறைக்கும் நீங்கள் கட்டணம் செலுத்த நேரிடும்.

கீழ் வரும் பயண இலக்குகளை நோக்கிச் செல்வதற்கு அல்லது அங்கிருந்து வருவதற்கென ஸ்ரீலங்கன் விமானசேவைக்காக விமான நிலையத்திற்குள் செக் -இன் ஆகும்போது ஒரு நிலையான கட்டணம் அறவிடப்படும்.

குறியீட்டுப்பங்கு அல்லது பங்குதாரர் விமானங்களில் செல்லும்போது இந்தக் கட்டணங்கள் வித்தியாசப்படலாம்.

கீழ் குறிப்பிடப்பட்டுள்ள கட்டணத்திற்கும் அப்பால், விமானநிலையங்களில் மேலதிக பயணப்பொதிக்கான ஊக்குவிப்புக் கொடுப்பனவுகள் நடைமுறையிலிருக்கும். இதுகுறித்த தகவல்களுக்கு உள்நாட்டிலுள்ள ஸ்ரீலங்கன் விமானசேவை அலுவலகத்தை நீங்கள் தொடர்பு கொள்ளலாம்.

துண்டங்களுக்கான கொள்கை

வடக்கு, மத்திய மற்றும் தென் அமெரிக்கா நோக்கிச் செல்லும் / அங்கிருந்து வரும் பயணப்பாதைகளுக்கு

உங்கள் இலவச பயணப்பொதி கொடுப்பனவை மீறும் நிறைக்கு / ஒவ்வொரு துண்டத்துக்கும் நீங்கள் கட்டணம் செலுத்தல் வேண்டும்.

மேலதிக நிறைக்கட்டணம் - உங்கள் பையின் அதிகரிக்கும் 23 கிலோகிராம் முதல் 32 கிலோகிராம் வரைக்கானது . கட்டணங்கள் ஒவ்வொரு பைக்கும் அறவிடப்படும்.

மேலதிக துண்டத்தின் பருமன் வழக்கத்திலுள்ள பயணப்பொதி தேவைப்பாடுகளுடன் இணைந்ததாக கவனத்திற் கொள்ளப்படும். மேலதிக தகவல்களுக்கு தயவுசெய்து பயணப்பொதி கொடுப்பனவைப் பார்வையிடவும்.

நடமாடும் உதவிச் சாதனங்கள்

நடமாடும் சாதனங்களின் உதவி தேவைப்படும் பயணிகள் அவர்கள் பயணம் செய்யும் வகுப்புக்கு அமைய வழங்கப்படும் கொடுப்பனவுகளுக்கு அப்பாற்பட்ட வகையில் தமது பயணப் பொதிகள் மற்றும் கைப்பொதிகளுக்கு மேலதிகமாக இவற்றை இலவசமாக எடுத்துச் செல்ல முடியும். (நிபந்தனைகள் நடைமுறையில்).

பெரிய அல்லது பாரமான பொருட்கள் (உ+ம் சக்கர வண்டிகள்) பயணப் பொதிகளுடனேயே எடுத்துச் செல்லப்படல் வேண்டும். விமானநிலையம் (களில்) விசேட ஏற்பாடுகளை உறுதி செய்வதற்காக தயவுசெய்து உங்கள் தேவைகளை முற்பதிவின்போதே குறிப்பிடவும்.

இலத்திரனியல் சாதனங்கள்

ஸ்ரீலங்கன் விமானசேவைகளில் aircraft mode (Flight Mode) இல் அல்லது செய்மதி தொடர்பாடல் வசதியுடைய விமானங்களில் கையடக்கத் தொலைபேசி பயன்பாட்டிற்கு அனுமதி வழங்கப்பட்டுள்ளது.

மேற்படி இரு சந்தர்ப்பங்களின்போதும் விமானம் வழிகாட்டும் சாதனத்துடன் தொடர்புபட்டிருக்கும் தருணங்களின்போதும் இதன் பயன்பாட்டிற்குத் தடை விதிக்கப்படும்.

• தடை செய்யப்படாத சாதனங்கள் - மருத்துவரீதியாக பரிந்துரைக்கப்பட்ட உபகரணங்கள் / செவிப்புலன் சாதனங்கள் / புகைப்படக் கருவிகள் / கணிப்பான் / பேஸ் மேக்கர்.
• பயணத்தின்போது அனுமதிக்கப்பட்ட சாதனங்கள் -தனிப்பட்ட கணினி/ இலத்திரனியல் விளையாட்டுக்கள் ,கொம்பெக்ட் டிஸ்க் பிளேயர்.
• தடை செய்யப்பட்ட சாதனங்கள் - தொலைக்காட்சி / வானொலி / தானியக்கி விளையாட்டுப் பொருட்கள் / தானியக்கி (remote control) கொண்ட மடிக்கணினி உள்ளிட்ட ஏனையவை…

ஸ்ரீலங்கன் விமானசேவையின் பயணிகள் மற்றும் ஊழியர்களின் பாதுகாப்பினை உறுதி செய்வதற்காக லித்தியம் மின்கலங்களால் மின்னேற்றப்பட்ட சிறிய வாகனங்கள் ( Air wheels, Solo wheels, Hover boards, Mini segways, Balance wheels) ஆகியன பாதுகாப்புக்கு அச்சுறுத்தலை ஏற்படுத்தும் அபாயகரமான பொருட்களாகப் பிரகடனம் செய்யப்பட்டுள்ளதால் பயணப்பொதிகளில் அல்லது விமானத்திற்குள் எடுத்துச் செல்லப்படும் பைகளில் இதனைக் கொண்டு செல்வதற்கு ஸ்ரீலங்கன் விமானசேவை முற்றாக தடை விதித்துள்ளது.

இதுபோன்ற பொருட்களைக் கொண்டு செல்ல விரும்பும் பயணிகள் தயவுசெய்து ஸ்ரீலங்கன் விமானசேவையின் அபாயகரமான பொருட்கள் பிரிவின் கீழ் குறிப்பிடப்பட்டுள்ள இலக்கங்களினூடாக தொடர்பு கொள்ளவும்.

தொலைபேசி : 1094 19733 2455
மொபைல் : 1094 71021 2455
மின்னஞ்சல் : cargodg@srilankan.com

பயணிகள் ஆசனத்தில் மூட்டையாகக் கட்டப்பட்ட பயணப்பொதி / இசைக் கருவிகள்

மூட்டையாகக் கட்டப்பட்ட பயணப்பொதிகளை ( இசைக்கருவிகள் , இராஜதந்திர ரீதியான தபால்கள்) நாம் பயணிகள் ஆசனத்தில் ஏற்றுக் கொள்வோம். பயணிகள் ஆசனத்தில் “ ஆசனப் பயணப்பொதியாக” ஆகக்கூடியது 75 கிலோகிராம் நிறை வரை அனுமதிக்கப்படும்.

அனுமதிக்கப்படும் 75 கிலோகிராம் நிறைக்கு மேலதிகமாக வழங்கப்படும் பயணப்பொதி கொடுப்பனவுடன் இந்த மூட்டைப் பொதி பொருந்தாது என்பதனை தயவு செய்து கவனத்திற் கொள்ளவும்.

நடைமுறையிலுள்ள பயணக் கட்டணம் மற்றும் விமானசேவை நிபந்தனைகளை தயவுசெய்து உங்கள் பயணச்சீட்டு முகவரிடம் கேட்டறிந்து கொள்ளுங்கள்.

விளையாட்டு உபகரணம்

கொள்கை மற்றும் கட்டணங்கள்

எடுத்துச் செல்லக்கூடிய நிறை – வடக்கு, மத்திய மற்றும் தென் அமெரிக்கா நோக்கிச் செல்லும் / அங்கிருந்து வரும் பயண இலக்குகள் தவிர்ந்தது.

எடுத்துச் செல்லக்கூடிய துண்டங்கள் - வடக்கு , மத்திய மற்றும் தென் அமெரிக்காவை சென்றடையும் / அங்கிருந்து வரும் பயண இலக்குக்கானது.

செல்லப்பிராணிகள்

வீட்டு மிருகங்களான நாய்கள், பூனைகள், பறவைகள், முயல்கள் மற்றும் அலங்கார மீன்கள் ஆகியன பயணப்பொதிகளுக்கூடாக விமானத்தில் கொண்டு செல்வதற்கு அனுமதிக்கப்படும். வழமைக்கு மாறான அளவு அல்லது தன்மை கொண்ட மிருகங்களான குரங்குகள், பாம்புகள் போன்றவை பயணப்பொதிகளுக்கூடாக எடுத்துச் செல்லப்பட முடியாது. இவை ஸ்ரீலங்கனின் சரக்குப் பிரிவுக்கூடாகவே கையாளப்படும். தடைவிதித்தல் / நிபந்தனைகள் அமுலில் இருக்கும்.

ஸ்ரீலங்கன் விமானசேவையின் சில விமானங்களில் உள்ள சரக்குப் பிரிவானது செல்லப்பிராணிகளைக் கொண்டு செல்வதற்கு ஏதுவான தகுந்த வெப்பநிலையைக் கொண்டிருக்காது. எனவே, விமானத்தில் நீங்கள் கொண்டு செல்லவிருக்கும் செல்லப் பிராணி குறித்து உங்களின் பயணச்சீட்டு முகவருக்கு தெரியப்படுத்துவதன் மூலம் செல்லப்பிராணியின் பயணத்திற்கு ஏற்ற வசதியினைக் கொண்ட விமானமொன்றை ஒழுங்கு செய்க. நீங்கள் பயணம் செய்ய விரும்பும் திகதிகளில் உங்கள் செல்லப்பிராணியின் தேவையை ஈடு செய்யக்கூடிய வசதி கொண்ட விமானங்கள் எம்மிடம் இல்லாத சந்தர்ப்பங்களும் ஏற்படலாம்.

பயணப் பொதிகளுக்கூடாக கொண்டு செல்லப்படும் செல்லப்பிராணிகளுக்கு பொதுவாக மேலதிக பயணப்பொதிக் கட்டணம் அறவிடப்படும். எனினும் செல்லப்பிராணி , கொள்கலன் (கூடு), உணவுப் பொருட்கள் என்பன இலவச பயணப்பொதி கொடுப்பனவின் கீழ் செல்லுபடியாகாது.

சுகாதாரத் தேவைப்பாடுகள்

பயணி அனைத்துப் பயண இலக்குகள் மற்றும் விமானம் மாறிச் செல்லும் இடங்களில் சுங்கத் திணைக்களம் மற்றும் அரசாங்கத்தின் ஏனைய தேவைப்பாடுகளுடன் இணங்கி நடப்பதற்கு முழுமையான பொறுப்புடையவராவார். செல்லுபடியாகும் தடுப்பூசிச் சான்றிதழ், இறக்குமதி / ஏற்றுமதி / விமானம் மாறுவதற்கான அனுமதிகள் உள்ளிட்ட அவசியமான ஆவணங்கள் விமான நிலையம்(கள்) மற்றும் இட ஒதுக்கீட்டின்போது சமர்ப்பிக்கப்படல் வேண்டும்.

பொறுப்புக்கூறல்

வெவ்வேறு விமானங்கள் மூலம் பயணத்தை மேற்கொள்ள இருக்கும் பயணிகள் அடுத்த விமானத்திலும் தனது செல்லப் பிராணி தொடர்ந்து பயணிக்கும் என்பதனை உறுதி செய்து கொள்ள வேண்டும். ஸ்ரீலங்கன் விமானசேவையானது தனது விமானங்கள் பயணிக்கும் இடங்களுக்குக் கொண்டு செல்லப்படும் செல்லப்பிராணிகளுக்கு மாத்திரமே பொறுப்பு வகிக்கும்.

செல்லப் பிராணிகளை விமானத்தில் கொண்டு செல்வதற்கு ஏற்றுக் கொள்வதென்பது பயணி மிருகத்துக்கான முழுப் பொறுப்பையும் ஏற்றுக்கொள்வதாகவே அமையும். ஸ்ரீலங்கன் விமானசேவையானது மிருகம் அல்லது பறவைக்கு ஏற்படக்கூடிய காயம், இழப்பு, சுகயீனம் அல்லது இறப்பு ஆகியவற்றுக்கும் விமானங்கள் மாறிச் செல்லும் இடங்கள் மற்றும் / அல்லது பயண இலக்கில் நாயின் உள்வருகைக்கு மறுப்புத் தெரிவிக்கப்படும் சந்தர்ப்பத்தில் ஸ்ரீலங்கன் விமானசேவை அதனை பொறுப்பேற்க மாட்டாது. இச்சந்தர்ப்பத்தில் உங்களின் பயணச்சீட்டு முகவரிடம் நடைமுறையிலுள்ள நிபந்தனைகளை அறிந்து கொள்ளுங்கள்.

சேவை வழங்கும் மிருகங்கள் (பார்க்கும் கண்கள் / கேட்கும் நாய்கள்)

பார்வைத்திறன் அல்லது செவித்திறனற்ற அவன் / அவள் உண்மையில் நாய் ஒன்றில் தங்கியிருப்பார்களாயின் மாத்திரம் குறித்த பயணியுடன் சேவை வழங்கும் மிருகங்கள் (பார்க்கும் கண்கள் / கேட்கும் நாய்கள்) செல்வதற்கு அனுமதிக்கப்படும். இவ்வாறான நாய் எவ்வித மேலதிக கட்டணமுமின்றி விமானத்தின் பிஸ்னஸ் அல்லது எக்கனமி வகுப்பில் பயணிப்பதற்கு அனுமதிக்கப்படும். எவ்வாறாயினும் சேவை வழங்கும் மிருகங்களை விமானத்தில் கொண்டு செல்லும்போது உயிருள்ள மிருகங்களுக்கான IATA ஒழுங்குவிதி முறைகள் அமுலில் இருக்கும்.

பயணத்திற்கு முன்னர்

புறப்படுவதற்கு 48 மணித்தியாலங்களுக்கு முன்னர் ஸ்ரீலங்கன் விமானசேவைக்குத் தெரியப்படுத்தவும். புறப்படுவதற்கு ஆகக்குறைந்தது 3 மணித்தியாலங்களுக்கு முன்னர் விமானத்திற்காக செக் - இன் செய்யவும்.
குறித்த மிருகமானது தனது மாற்றுத்திறனுக்கு உதவும் வகையில் சேவை வழங்குவதாக பயணி நம்பகத்தன்மையுடன்கூடிய வாய்மூல உறுதி மொழியை வழங்கும் வகையில் தன்னை தயார்படுத்திக்கொள்ள வேண்டும். விமானப் பயணத்தின்போது தன்னுடன் வரும் மிருகத்தை விடுவிக்க வேண்டிய அவசியம் இல்லையென்றும் அதேபோன்று நாயினுடைய கழிவுகளால் விமானத்திற்குள் சுகாதார மற்றும் கழிவகற்றல் பிரச்சினை ஏற்படாத வகையில் சமாளிக்க முடியுமென்றும் பயணி உறுதி செய்ய வேண்டும். அவன் / அவள் இதற்கு தேவைப்படும் உறிஞ்சும் அல்லது ஏனைய அவசியமான துடைப்பான்களை தம்முடன் எடுத்துச் செல்லல் வேண்டும்.
விமானப் பயணத்திற்கு முன்பாக நாய்க்கு அவசியமான உடற்பயிற்சியினை வழங்குவதுடன் உள்ளெடுக்கும் திரவத்தின் அளவைக் கட்டுப்படுத்துவதன் மூலம் தனது நாய் விமானப் பயணத்திற்குத் தயாராக இருப்பதனை பயணி உறுதி செய்ய வேண்டும்.

குறிப்பு 1:

சேவை வழங்கும் மிருகமானது நடை பாதை அல்லது அவசர வெளியேறுகையினை குறுக்கிடும் வகையில் அல்லது பக்கத்து ஆசனத்தில் அமர்ந்திருக்கக் கூடிய பயணியின் கால் வசதியைப் பாதிக்கும் வகையில் அமர்த்தப்படுதல் கூடாது. சேவை வழங்கும் மிருகத்தின் செயற்பாடுகளில் குழப்பம் ஏற்படுமாயின் அல்லது பயணியின் காலடியில் அல்லது ஆசனத்தின்கீழ் அவருக்கான இடவசதியில் இடையூறினை ஏற்படுத்தாத வகையில் அமர்த்த முடியாமல் உருவத்தில் பெரியதாக இருப்பின் அல்லது அமரும்போது நடை பாதையை சிறிதளவேனும் தடுக்குமாயின் குறித்த நாய் கூட்டில் ( பயணியினால் வழங்கப்படுவது) விமான சரக்குப் பிரிவினூடாகக் கொண்டு செல்லப்படல் வேண்டும். இம்முறை முற்றிலும் இலவசமாகும். சேவை வழங்கும் மிருகத்தின் பாதுகாப்பிற்காக வெப்பநிலையை மாற்றம் செய்வதனை உறுதி செய்யும் வகையில் நாயின் கூடானது IATA இற்கு அமைய நாய்க்கூட்டின் அமைப்பு முறை மற்றும் அளவினை பூர்த்தி செய்வதாக அமைதல் வேண்டும். ஸ்ரீலங்கன் விமானத்தில் ஒரேயொரு சேவை வழங்கும் மிருகம் மாத்திரமே முற்பதிவு செய்வதற்கும் பயணிப்பதற்கும் அனுமதிக்கப்படும்.

குறிப்பு : 2

ஸ்ரீலங்கன் விமானசேவையின் சில விமானங்களிலுள்ள சரக்குப் பிரிவில் தகுந்த வெப்பநிலையை ஏற்படுத்த முடியாமை காரணமாக உயிருள்ள மிருகங்களைக் கொண்டு செல்வதற்கு தட்டுப்பாடுகள் ஏற்படலாம். விமானசேவையின் சரக்குப் பிரிவில் சேவை வழங்கும் மிருகத்தைக் கொண்டு செல்ல நேரிடுமாயின் ஏமாற்றங்களைத் தவிர்ப்பதற்காக சேவை வழங்கும் மிருகத்தை குறிப்பிட்ட காலப்பகுதிக்குள் முற்பதிவு செய்வது மிகவும் முக்கியமாகும்.

சுகாதாரத் தேவைப்பாடுகள்

பயணியானவர் அனைத்துப் பயண இலக்குகள் மற்றும் விமானம் மாறிச் செல்லும் இடங்களில் சுங்கத் திணைக்களம் மற்றும் அரசாங்கத்தின் ஏனைய தேவைப்பாடுகளுடன் இணங்கி நடப்பதற்கு முழுமையான பொறுப்புடையவராவார். செல்லுபடியாகும் தடுப்பூசிச் சான்றிதழ், இறக்குமதி / ஏற்றுமதி / விமானம் மாறுவதற்கான அனுமதிகள் உள்ளிட்ட அவசியமான ஆவணங்கள் விமான நிலையம்(கள்) மற்றும் இட ஒதுக்கீட்டின்போது சமர்பிக்கப்படுதல் வேண்டும்.

பொறுப்புக்கூறல்

வெவ்வேறு விமானங்கள் மூலம் பயணத்தை மேற்கொள்ள இருக்கும் பயணிகள் அடுத்த விமானத்திலும் தனது செல்லப் பிராணி தொடர்ந்து பயணிக்கும் என்பதனை உறுதிசெய்து கொள்ளல் வேண்டும். ஸ்ரீலங்கன் விமானசேவையானது தனது விமானங்கள் பயணிக்கும் இடங்களுக்கு கொண்டு செல்லப்படும் செல்லப்பிராணிகளுக்கு மாத்திரமே பொறுப்பு வகிக்கும்.

பயணி தனது பயணத்திற்கான ஆவணங்களை முறையாகச் சமர்பிக்காமை காரணமாக ஏதேனும் ஒரு நாட்டிற்குள் நாயின் உள்வருகைக்கு மறுப்புத் தெரிவிக்கப்படுமாயின் விமானசேவை அதனைப் பொறுப்பேற்க மாட்டாது.

சேவை வழங்கும் மிருகம் பயணியுடன் விமானத்தில் செல்லும்போது அதன் சுகாதாரம் மற்றும் நலன் குறித்து ஸ்ரீலங்கன் விமானசேவை பொறுப்பு வகிக்க மாட்டாது. விமானப் பயணத்தின்போது, முன்னர், மற்றும் பின்னர் ஏற்படக்கூடிய காயம், சுகயீனம் மற்றும் / அல்லது இறப்புக்கு அதன் உரிமையாளரே பொறுப்பு வகித்தல் வேண்டும்.

ஏற்றுக்கொள்ளப்பட்ட நிபந்தனைகள்

உங்களின் சேவை வழங்கும் மிருகம் விமானத்தில் உங்களுடன் பயணிக்கும்போது ஏற்படக்கூடிய இடையூறுகளை தவிர்ப்பதற்காக கீழ்வரும் வழிகாட்டல்களுடன் நீங்கள் ஒழுகுவதனை உறுதிசெய்து கொள்ளுங்கள்.

• நாயைத் தடவிக்கொடுத்து கட்டுப்பாட்டில் வைத்திருக்க வேண்டும். அது கட்டுப்பாட்டை மீறாத வகையில் சிறந்த முறையில் நடத்தப்படல் வேண்டும். சுத்தமாகவும் துர்நாற்றம் வீசாமலும் இருத்தல் வேண்டும். நாய்ச் சங்கிலியானது விமானப் பயணம் முழுவதிலும் உரிமையாளரின் ஆசனப்பட்டியுடன் பொருத்தப்பட்டிருத்தல் வேண்டும்.
• விமானத்திற்குள் அலைந்து திரிவதற்கு அனுமதிக்கப்படாத அதேநேரம் எப்போதும் பயணியின் ஆசனத்திற்கு அருகிலேயே அமர்ந்திருக்க வேண்டுமென எதிர்பார்க்கப்படுகிறது.
• விமானத்தின் தரை மாசுபடுவதனைத் தவிர்க்கும் வகையில் உறிஞ்சும் தன்மை கொண்ட விரிப்பினை எப்போதும் நாய் அமரும் இடத்தில் விரித்திருத்தல் வேண்டும்.

உங்களதும் உங்கள் உடமைகளின் பாதுகாப்பான பயணத்துக்கும் நாம் முன்னுரிமை அளிக்கின்றோம். இடையூறின்றிய பயணப்பொதி விநியோகத்தை உறுதி செய்து கொள்வதற்கு கீழ்வரும் அறிவுறுத்தல்களைக் கவனமாக வாசிக்கவும்.

பொதுவான வழிகாட்டல்கள்

• குறிப்பிட்ட சில பொருட்கள் அதன் நிறை , அளவு மற்றும் தன்மை காரணமாக விமானசேவையின் கருத்திற்கமைய மாத்திரமே ஏற்றுக் கொள்ளப்படும்.
• பாதுகாப்புக் காரணங்களுக்காக பல நாடுகள் திரவங்கள், வாசனைத் திரவியங்கள் மற்றும் ஜெல் வகைகளை கைப்பைகளில் கொண்டு செல்வதற்கு தடை விதித்துள்ளன.
• பாதுகாப்புத் திரையினால் மறுக்கப்படும் பொருட்கள் குறித்த விமானத்தின் கொள்கைக்கமைய சோதனைக்காக காத்திருப்பில் வைக்கப்படும்.

பயணிகள் விமானத்திற்குள்ளோ அல்லது பயணப்பொதியிலோ உள்ளடக்கக் கூடாதவை

• ஸ்ரீலங்கன் விமானசேவையினால் பயணப்பொதிக்குள் உள்ளடக்கப்பட முடியாதவையென வரையறுக்கப்பட்ட பொருட்கள்.
• விமானம், பயணிகள் அல்லது விமானத்திற்குள் காணப்படும் உடைமைகளைச் சேதப்படுத்தக் கூடிய பொருட்கள்.
• நடைமுறையிலுள்ள சட்டம், ஒழுங்கு விதிமுறைகள், அல்லது ஏதேனும் ஒரு அரசினால் அங்கிருந்து வெளியேறுவது அல்லது உள்வருவது தொடர்பிலான உத்தரவு அடிப்படையில் விமானத்தில் கொண்டு செல்வதற்குத் தடை விதிக்கப்பட்ட பொருட்கள்.
• நிறை, அளவு அல்லது கூர்மையான / வழக்கத்திலும் வித்தியாசமான உலோகம் போன்ற தன்மையுடைய பொருட்கள் விமானப் பயணத்திற்குப் பொருத்தமற்றவையென விமானசேவையினால் கருதப்படுமிடத்து.
• நாய்கள், பூனைகள் மற்றும் வீட்டில் வளர்க்கப்படும் பறவைகள் தவிர்ந்த உயிருள்ள மிருகங்கள் மற்றும் ஏனைய செல்லப்பிராணிகள் ஸ்ரீலங்கன் விமானசேவையின் ஒழுங்கு விதிமுறைகளுக்கமையவே விமானத்தில் கொண்டு செல்வதற்கு அனுமதிக்கப்படும்.
• வேட்டையாடுதல் மற்றும் விளையாட்டு நோக்கங்களுக்காகவன்றி சுடுகலன்கள் மற்றும் தோட்டாக்கள்.
• லித்தியம் மின்கலங்களால் இயங்கக்கூடிய சிறிய வாகனங்கள் பாதுகாப்புக்கு அச்சுறுத்தலை ஏற்படுத்தக் கூடிய “அபாயகரமான பொருட்கள்” எனக் கருதப்படுவதால் இவற்றை பயணப்பொதி அல்லது விமானத்திற்குள் எடுத்துச் செல்லப்படும் ஏனைய பொதிகளின் மூலம் கொண்டு செல்வதற்கு ஸ்ரீலங்கன் விமானசேவை முற்றாக தடை விதித்துள்ளது.
• நொருங்கும் அல்லது பழுதடையும் பொருட்கள், பணம், ஆபரணங்கள், உயரிய உலோக வகைகள், வெள்ளிப் பொருட்கள், கலந்துரையாடலுக்கான பத்திரங்கள், பாதுகாப்பான அல்லது ஏனைய பெறுமதியானவை , வியாபார ஆவணங்கள், கடவுச்சீட்டுகள், மற்றும் ஏனைய உறுதிப்படுத்தும் ஆவணங்கள் அல்லது மாதிரிகள்.

விமான இடமாற்றத்திற்காக நிறுத்தப்படும் இடங்களில் பயணப்பொதிகளுக்கான நடைமுறையிலுள்ள விதிமுறைகள்,

• ஒரு பயணத்திற்காக பயணி இரண்டு வேறுபட்ட ஆவணங்களை (பயணச்சீட்டுகள்) வைத்திருப்பாராயின் ஸ்ரீலங்கன் விமானசேவை செல்லக்கூடிய அனைத்து விமான நிலையங்களுக்குமூடாக பயணப்பொதி ஒருங்கிணைத்து (இறுதி பயண இலக்கிற்கு) கொண்டு செல்லப்படும். எனினும் இவை தவிர்க்கப்படும் சந்தர்ப்பங்கள் ஆவன:
  • புது டெல்லியைத் தவிர்ந்த இந்தியாவின் பயண இலக்குகள்
  • நாட்டிற்குள் ஒருங்கிணைக்கப்பட்ட இடமாற்றம்
  • மலிவான விமானசேவைகளை இணைக்கும்போது
  • ஸ்ரீலங்கன் விமானசேவையுடன் ஒருங்கிணைந்த ஒப்பந்தங்களைக் கொண்டிராத விமானசேவை

ஓரே நாட்டிற்குள் காணப்படும் விமான நிலையங்களில் பயணப்பொதிகள் ஒன்றிணைக்கப்பட மாட்டாது.