Serendib Treasures Inflight Duty Free


விமானத்திற்குள் செரண்டிப் ட்ரசஸின் தீர்வை விலக்கு

தீர்வை - விலக்கு விற்பனை முற்பதிவுச் சலுகைக்கு நடைமுறையிலுள்ள விதிமுறைகள்

ஸ்ரீலங்கன் விமானசேவையின் தீர்வை - விலக்கு விற்பனை முற்பதிவுச் சலுகைக்கு வரவேற்கின்றோம்.

தயவுசெய்து கீழே குறிப்பிடப்பட் டுள்ள விதிமுறைகள் மற்றும் நிபந்தனைகளைக் கவனமாக வாசியுங்கள். ஸ்ரீலங்கன் விமானசேவையின் தீர்வை - விலக்கு விற்பனை முற்பதிவுச் சலுகையினை அடைவதன் அல்லது பயன்படுத்துவதன் மூலமாக (இதன் பின்னர் “சலுகை” என்றே குறிப்பிடப்படும்), நீங்கள் எமது சட்ட அறிக்கை மற்றும் கீழ்வரும் பயன்பாட்டிலுள்ள விதிமுறைகளுக்கு கட்டுப்படுவதற்கு இணங்குகிறீர்கள்.


விதிமுறைகளில் திருத்தம்

ஸ்ரீலங்கன் விமானசேவை நிறுவனம் (இதன் பின்னர் “ஸ்ரீலங்கன் விமானசேவை” எனக் குறிப்பிடப்படும்) இச்சலுகையில் குறிப்பிடப்பட்டுள்ள பொருட்கள், சேவைகள், கட்டணங்கள் மற்றும் பயன்பாட்டிலுள்ள விதிமுறைகளில் முன்னறிவித்தலின்றி எச்சந்தர்ப்பத்திலும் முன்னேற்றங்கள் மற்றும் / அல்லது மாற்றங்கள் அல்லது நிறுத்தத்தினை மேற்கொள்ளலாம். இவ்வாறான அனைத்து மாற்றங்களும் இந்த வலைத்தளத்திலும் சலுகையிலும் குறிப்பிடப்படும். இந்த வலைத்தளம் மற்றும் சலுகையில் சுட்டிக்காட்டப்படும் மாற்றங்களை தொடர்ச்சியாகப் பின்பற்றுவதன் மூலம் குறித்த மாற்றங்களுக்கான உங்களின் இணக்கப்பாட்டை இது உள்ளடக்கியதாக அமையும்.


மறுப்பு மற்றும் பொறுப்புக்கூறலுக்கான எல்லை

இந்த வலைத்தளம் மற்றும் சலுகையானது ஸ்ரீலங்கன் விமானசேவையின் நல்லெண்ண அடிப்படையில் தொகுக்கப்பட்டுள்ளது. இதிலுள்ள தகவல்களில் வெளிப்படுத்தப்படுபவை அல்லது சம்பந்தப்பட்டவை திருத்தமானவை அல்லது முழுமை பெற்றவை, வழங்கப்படும் பொருட்கள் மற்றும் சேவைகள் இடை நிறுத்தப்படாது, தவறுகள் அற்றவை எந்தவொரு தகவலும் bugs, viruses, worms, Trojan horses போன்ற மூலப்பொருட்களிலிருந்து விடுவிக்கப்பட்டவை என்பதற்கான விளக்கவுரையோ அல்லது உத்தரவாதமோ அளிக்கப்படவில்லை.

இந்த வலைத்தளம் மற்றும் சலுகையானது மூன்றாம் தரப்பினரால் இயக்கப்படும் வலைத்தளங்களுடன் இணைப்பினைக் கொண்டிருக்கலாம். இந்த இணைப்புக்கள் உங்கள் பார்வைக்காக மாத்திரமே வழங்கப்பட்டுள்ளன என்பதுடன் உங்களின் பயன்பாடானது அதில் குறிப்பிடப்பட்டுள்ள விதிமுறைகள் மற்றும் நிபந்தனைகளுக்குக் கட்டுப்பட்டதாக அமையும். ஸ்ரீலங்கன் விமானசேவையானது ஏனைய வலைத்தலங்களின் இணைப்புக்களைக் கொண்டிருப்பதன் மூலம் அதிலுள்ளடக்கப்பட்டுள்ள அம்சங்களுக்கு பொறுப்புக் கூறாது என்பது வலைத்தளத்தின் பக்கங்களின் மேல் புறக்குறிப்பிடப் பட்டிருக்க மாட்டாது.

இந்த இணையத்தளம் மற்றும் சலுகைகளைப் பயன்படுத்துகையில் அதிலுள்ள தகவல்கள் அல்லது உள்ளடக்கப்பட்டுள்ள மூலப்பொருட்கள் அல்லது தாமதம் அல்லது வலைத்தளம் அல்லது சலுகையினை பயன்படுத்த முடியாமை அல்லது இந்த வலைத்தளம் அல்லது சலுகையினூடாக இணையத்தில் ஏனைய இணைப்புகளைப் பெற முடியாமை அல்லது கிடைக்காமை அல்லது பொருட்கள் மற்றும் சேவைகளைப் பயன்படுத்தல் காரணமாக நேரடியாக, மறைமுகமாக அல்லது தொடர்ச்சியாக இடம்பெறக்கூடிய இழப்புகள் அல்லது சேதங்களுக்கு ஸ்ரீலங்கன் விமானசேவை பொறுப்புக்கூற மாட்டாது என்பதற்கு நீங்கள் இணங்குகின்றீர்கள்.


பிரதிநிதித்துவம் மற்றும் உத்தரவாதங்கள்

சட்டத்திலுள்ள ஆகக்கூடிய விரிவான அனுமதிக்கமைய, இச்சலுகையிலுள்ள தகவல், பொருட்கள் மற்றும் சேவைகள் தொடர்பில் சாத்தியப்படக்கூடிய உத்தரவாதங்களுக்கு ஸ்ரீலங்கன் விமானசேவை மறுப்புத் தெரிவித்துள்ளது. அனைத்து தகவல், பொருட்கள் மற்றும் சேவைகள் எவ்வித உத்தரவாதமுமின்றி “அதன் படி” மற்றும் “கிடைக்ககூடிய படி ” என்பதன் அடிப்படையில் வழங்கப்படுகின்றன. இந்த மறுப்பானது எந்தவொரு பொருளுக்கும் அதன் உற்பத்தியாளரால் வழங்கப்படும் பொருள் உத்தரவாதத்துக்கு பொருந்தமாட்டாத அதேநேரம் நீங்கள் கொள்வனவு செய்யும் எந்தவொரு பொருளுக்கும் உற்பத்தியாளரால் வழங்கப்படும் பொருள் உத்தரவாதத்தினை உங்களால் உற்பத்தியாளரிடமிருந்து நேரடியாகப் பெற்றுக் கொள்ள முடியும்.

குறிப்பிடப்பட்டுள்ள ஏதேனும் சாதகமான நிபந்தனை மீறப்படும் சந்தர்ப்பத்தில் ஸ்ரீலங்கன் விமானசேவையின் பொறுப்புக் கூறலானது தவிர்க்க முடியாதது என்பதுடன், இச்சலுகையினூடாக நாம் வழங்குவதாக குறிப்பிடப்பட்டுள்ள பொருட்கள் மற்றும் சேவைகளை வழங்க முடியாமல் போனால், ஸ்ரீலங்கன் விமானசேவை தனிப்பட்ட முறையில் கீழ்கண்டவற்றுள் ஒன்றை தெரிவுசெய்யும் -

  • பொருளை மாற்றீடு செய்தல் அல்லது
  • பொருட்கள் அல்லது சேவைகளுக்காகச் செலுத்தப்பட்ட கட்டணத்தை உங்களுக்குத் திரும்ப வழங்குதல்.


இழப்பீடு

இவ்வலைத்தளம் அல்லது சலுகையினை பயன்படுத்துவதன் மூலமோ அல்லது அதில் குறிப்பிடப்பட்டுள்ள பொருட்கள் மற்றும் சேவையினைக் கொள்வனவு செய்வதன் மூலமோ எவ்வித உரிமையும் கோரி ஸ்ரீலங்கன் விமானசேவை மீது வழக்குத் தொடரமாட்டேன் என்ற உடன்படிக்கையுடன் நீங்கள் இணக்கம் தெரிவிக்கின்றீர்கள்.


உங்கள் பயன்பாட்டுக்கான எல்லைகள்

வலைத்தளம் மற்றும் சலுகையில் குறிப்பிடப்பட்டுள்ள பொருட்கள் மற்றும் சேவைகளில் கிடைக்கக் கூடியவற்றில் உங்களுக்குரியதைத் தீர்மானிக்கும் அனுமதியினை அளிப்பதற்காகவும் வியாபாரத்தை நடைமுறைப்படுத்துவதற்காகவும் மாத்திரமே ஸ்ரீலங்கன் விமானசேவை இச்சலுகையினை உங்களுக்கு வழங்குகின்றதே தவிர வேறு எந்த நோக்கமும் அதற்கு இல்லை. இச்சலுகை உங்கள் தனிப்பட்ட பாவனைக்குரியது, வர்த்தகரீதியான பாவனைக்கானது அல்ல. இச்சலுகையினை உங்களுக்காகவும் அல்லது சட்டம், விதிமுறைகள் மற்றும் நிபந்தனைகளுக்கமைய உங்களால் அங்கீகாரத்துடன் செயற்படக்கூடிய இன்னுமொரு நபருக்காகவும் சட்டப்படியான கொள்வனவுக்கு மாத்திரம் பயன்படுத்துவதற்கு நீங்கள் இணங்குகின்றீர்கள். .


ஏனைய நிபந்தனைகள்

இவ்வலைத்தளம் மற்றும் சலுகையில் வழங்கப்பட்டுள்ள பொருட்களும் சேவைகளும் அந்தப் பொருட்கள் அல்லது மூலப்பொருட்களினது விதிமுறைகள் மற்றும் நிபந்தனைகளுக்குக் கட்டுப்பட்டதாகவும் அமையலாம். இது குறித்த விவரங்களை ஸ்ரீலங்கன் விமானசேவையிலிருந்தோ அல்லது பொருள் விநியோகத்தரிடமிருந்தோ அல்லது அதற்குரிய உற்பத்தியாளர்களிடமிருந்தோ பெற்றுக்கொள்ளக் கூடியதாக இருக்கும்.


பதிப்புரிமை மற்றும் வர்த்தகக்குறியீடு

இவ்வலைத்தளம் மற்றும் சலுகையில் உள்ளடக்கப்பட்டுள்ள மூலப்பொருட்களில் குறிப்பிடப்பட்டுள்ள ஸ்ரீலங்கன் விமானசேவையின் வர்த்தகக்குறியீடு, சேவைக்குறியீடு, மற்றும் தர அடையாளம், இச்சலுகையின் கீழ் வழங்கப்படும் ஏதேனும் பொருட்கள் அல்லது மூலப்பொருட்களின் தர அடையாளம் , வர்த்தகக்குறியீடு, சேவைக் குறியீடு என்பன ஸ்ரீலங்கன் விமானசேவை அல்லது அதன் உத்தியோக அனுமதிபெற்றோர் அல்லது பொருள் உரிமையாளருக்கு உரித்துடையதாகும். வலைத்தளம் மற்றும் சலுகையில் காட்சிப்படுத்தப்பட்டுள்ள படங்கள் , வர்த்தகக்குறியீடு , சேவைக்குறியீடு, தர அடையாளம், வர்த்தகப் பெயர், வர்த்தக ஆடை, என்பன பதிப்புரிமை, வர்த்தகக்குறியீடு மற்றும் ஏனைய அறிவுசார் சொத்துடைமைச் சட்டங்களால் பாதுகாக்கப்படுவதுடன் இவை அதன் உரிமையாளரின் எழுத்துமூல அனுமதியின்றி மீள் பிரதி செய்யவோ, தனதாக்கிக் கொள்வதோ அல்லது வேறு ஏதேனும் வழியில் பயன்படுத்தவோ முடியாது. இதன் மூலப்பொருட்கள் தனிப்பட்ட தேவைக்காக உங்களால் பயன்படுத்தப்படலாம் என்கின்ற போதும் வர்த்தக நோக்கிற்காக முடியாது.


கட்டணக் கொள்கை

இச்சலுலுகையில் குறிப்பிடப்பட்டுள்ள அனைத்துக் கட்டணங்களும் தீர்வை – விலக்கு மற்றும் /அல்லது வரி விலக்குடைய கட்டணங்களாகும். ஸ்ரீலங்கன் விமானசேவை துல்லியமான பொருள் மற்றும் கட்டணத் தகவலினை வழங்க முயற்சிக்கின்றபோதும் கட்டணத்தில் அல்லது அச்சுப்பதிப்பின்போது தவறுகள் இடம்பெறலாம். ஏதேனும் பொருளில் தவறான விலை குறிப்பிடப்பட்டிருந்தால் அது குறித்த அறிவுறுத்தல்களுக்காக உங்களைத் தொடர்புகொள்வதா அல்லது உங்கள் முற்பதிவினை ரத்துச் செய்த பின்னர் ரத்துக் குறித்து உங்களுக்கு அறியத்தருவதா என்பது தொடர்பில் ஸ்ரீலங்கன் விமானசேவை சுயமான தீர்மானத்தை முன்னெடுக்கும். உங்களின் பயண இலக்கை நோக்கி நீங்கள் செல்கையில் இச்சலுகையினூடாக நீங்கள் மேற்கொள்ளும் கொள்வனவுகளுக்காக அமுல்செய்யப்படும் எந்தவொரு வரி, தீர்வை, தண்டப் பணம் மற்றும் ஏனைய மாற்றங்களுக்கு நீங்கள் பொறுப்புடையவர் ஆவீர்கள்.


அளவினை வரையறை செய்தல்

தனிநபரினால் முற்பதிவு அடிப்படையில் கொள்வனவு செய்யப்படும் பொருட்களது அளவை வரையறுப்பதற்கான உரிமையை ஸ்ரீலங்கன் விமானசேவைகள் கொண்டுள்ளது.


காட்சிப்படுத்தப்படும் பொருட்கள்

எமது பொருட்களின் ஆகக்கூடிய துல்லியமான நிறங்கள் மற்றும் பரிமாணங்களை இவ்வலைத்தளம் மற்றும் சலுகையினூடாக காட்சிப்படுத்த நாம் அனைத்து வழிகளிலும் எம்மாலான ஆகக்கூடிய முயற்சிகளை மேற்கொண்டுள்ளோம்.


தகுதி

இச்சலுகை ஸ்ரீலங்கன் விமானசேவையின் பயணிகளுக்கு மாத்திரமே வழங்கப்பட்டுள்ளது. பயணிகள் :

  • 18 வயதுக்கு மேற்பட்டவர்களாக இருத்தல்:
  • எதிர்வரும் திகதியொன்றில் பயணிப்பதற்காக செல்லுபடியாகும் விமானப் பயணச்சீட்டுடன் பயணத்தினை உறுதி செய்யும் வகையில் உறுதியான ஆசனத்தைக் கொண்டிருத்தல்.


முற்பதிவு

தீர்வை – விலக்கு முற்பதிவுப் படிவத்தைப் பூரணப்படுத்துவதன் மூலம் இச்சலுகையினை நீங்கள் பயன்படுத்தலாம். தயவுசெய்து முற்பதிவுப் படிவத்திலுள்ள முக்கியமான அனைத்துப் பிரிவுகளையும் பூரணப்படுத்துக. மேலதிக தகவல்கள் தேவைப்படுமாயின் நாம் உங்களைத் தொடர்பு கொள்வோம்.

வழங்கப்பட்டுள்ள எந்தவொரு தகவலையும் சரிபார்த்து தனியாகத் தீர்மானம் மேற்கொள்வதற்கான உரிமையை நாம் கொண்டுள்ளோம்

தீர்வை – விலக்கு முற்பதிவினை கொழும்பிலிருந்து புறப்படும் விமானங்கள் 72 மணித்தியாலங்களுக்கு முன்னரும் கொழும்பிற்கு வெளியிலிருந்து புறப்படும் விமானங்களாயின் 12 மணித்தியாலங்களுக்கு முன்னரும் மேற்கொள்ள முடியும்.


கட்டணம்

இச்சலுகையினூடாக நீங்கள் முற்பதிவு செய்யும் பொருட்களுக்கு பதில் மின்னஞ்சலில் விலைக் கட்டணங்கள் உங்களுக்கு அனுப்பி வைக்கப்படும். இவை எம்மால் ஏற்றுக் கொள்ளப்பட்ட அமெரிக்க டொலர்களில் (US$) குறிப்பிடப்பட்டிருக்கும். ஸ்ரீலங்கன் விமானசேவையின் விலைக் கட்டணத்திற்கு அமைய நீங்கள் பணமாகவோ அல்லது காசோலையாகவோ அல்லது கிரெடிட் அட்டை மூலம் ஐக்கிய அமெரிக்க டொலர்களாகவோ அல்லது அதற்கு ஒப்பான வேறு வகையிலோ படிவத்தில் நீங்கள் குறிப்பிட்டுள்ளதற்கமைய உங்கள் பயண விமானத்திற்குள் வைத்தோ செலுத்துமாறு நீங்கள் கேட்டுக்கொள்ளப்படுகின்றீர்கள்.

விமானத்திற்குள் அவுஸ்திரேலிய டொலர், பஹ்ரேன் தினார், கனடியன் டொலர், ஐரோப்பிய யூரோ, ஹொங் கொங் டொலர், ஜப்பான் யென், குவைத் தினார், ஓமான் ரியால், கட்டார் ரியால், சவூதி அரேபியன் ரியால், சிங்கப்பூர் டொலர், சுவிடிஷ் குரோனே, சுவிஸ் பிரேங்க், ஐ.அ.இ திர்ஹாம், பிரிட்டிஷ் பவுன்ஸ், அமெரிக்க டொலர் ஆகியவை செல்லுபடியாகும்.

பின்வரும் கிரெடிட் அட்டைகளாவன விமானத்திற்குள் குறிப்பிடப்பட்டுள்ள வரையறைகளுக்கமைய ஏற்றுக் கொள்ளப்படும்.

அட்டை வகை

Upper Limit

விசா (கோல்ட் / கிளெசிக்)

US$ 175.00

மாஸ்ட்டர் (கோல்ட் / கிளெசிக்)

US$ 35.00

எமெரிக்கன் எக்ஸ்ப்ரஸ்

US$ 300.00


விநியோகம் / சேகரிப்பு

உங்கள் முற்பதிவுப் படிவத்தில் பொருட்களைப் பெற்றுக் கொள்வதற்காக நீங்கள் தெரிவு செய்துள்ள விமானத்திற்குள் வைத்து கொள்வனவு செய்யப்பட்ட பொருட்கள் உங்களிடம் கையளிக்கப்படும்.

உங்களால் முற்பதிவு செய்யப்பட்ட பொருட்கள் உங்களிடம் கையளிக்கப்படும் முன்னர் உங்களது அடையாள அட்டைக்கான ஆதாரம், வேறு ஏதேனும் சம்பந்தப்பட்ட தகவ ல்கள் / ஆவணங்களைக் கையளித்து ஆதாரத்தை உறுதி செய்யுமாறு நீங்கள் கேட்டுக் கொள்ளப்படுவீர்கள்.


ரத்துச் செய்தல்

உங்கள் முற்பதிவினை ரத்துச செய்வதற்கு தீர்மானிப்பீர்களேயானால் நீங்கள் தெரிவு செய்துள்ள விமானம் புறப்படுவதற்கு 48 மணித்தியாலங்களுக்கு முன்னர் நீங்கள் அது குறித்து எமக்கு அறியத்தர வேண்டும்.

ரத்துச் செய்ய நேரிடலாம். உங்கள் முற்பதிவின் நிராகரிப்பு அல்லது ரத்து தொடர்பில் உங்களுக்கு முன்கூட்டியே அறியத்தருவதற்கு எம்மால் இயன்ற ஆகக்கூடிய முயற்சிகளை நாம் மேற்கொள்கின்றோம்.


திரும்ப வழங்குவதற்கான கொள்கை

இங்கு குறிப்பிடப்பட்டுள்ள காரணங்களைத் தவிர எச்சந்தர்ப்பத்திலும் கொள்வனவு செய்யப்பட்ட பொருட்களை திரும்ப வழங்கவோ அல்லது பணத்தை மீளப்பெறவோ முடியாது..



Close

flysmiles


More about FlySmiles